Maxfiylik siyosati
1. Kim va nima uchun
Ushbu siyosat [yuridik shaxs nomi, STIR, manzil] (bundan keyin "Biz") "Muovin" dasturi va my-assistant [domen] sayti orqali qanday ma'lumot olishi, nima uchun olishi va qanday himoya qilishini tushuntiradi.
Asosiy tamoyil: savollaringiz, javoblar, yuklagan fayllaringiz va firmangiz ma'lumotlari sizning kompyuteringizda qoladi. Biz ularni ko'rmaymiz va serverimizga olmaymiz.
2. Kompyuteringizda qoladigan ma'lumotlar (bizga kelmaydi)
- dasturga bergan savollaringiz va javoblar tarixi;
- yuklagan fayllaringiz: hisob-fakturalar, bank ko'chirmalari, vedomostlar, rasmlar;
- firma profili: rejim, xodimlar soni va shunga o'xshash ma'lumotlar;
- tashqi AI provayderining API kaliti. U operatsion tizimning himoyalangan kalitlar omborida (macOS Keychain) saqlanadi.
Bu ma'lumotlarni o'chirish uchun dasturni yoki uning papkasini o'chirish kifoya.
3. Serverimizda saqlanadigan ma'lumotlar
| Ma'lumot | Nima uchun | Qancha saqlanadi |
|---|---|---|
| Google akkaunt: email, ism, Google ID | Kirish va litsenziya | Akkaunt faol ekan [+ yurist] |
| Profil: ism, kasb, ixtiyoriy tashkilot va STIR | Hisob-faktura va murojaatlar | Akkaunt faol ekan |
| Kompyuter kodi, nomi, OS | Litsenziya qurilmalar soni bo'yicha | Akkaunt faol ekan |
| Kirish jurnali: vaqt, IP, kompyuter kodi, natija | Akkauntni o'g'irlikdan himoya qilish | [yurist: masalan 1 yil] |
| Kunlik faollik: faqat kunlik ulanishlar soni | Litsenziyani nazorat qilish, statistika | […] |
| To'lovlar: buyurtma, tarif, summa, Payme tranzaksiya ID | Hisob-kitob, chek, qaytarish | Buxgalteriya qonunchiligi muddati […] |
| Murojaatlar: matn, sizga javoblar, ixtiyoriy texnik jurnal | Yordam ko'rsatish | Yopilgandan keyin 3 yil, so'ng matn o'chiriladi |
| Rozilik: siyosat versiyasi va vaqti | Qonun talabi | Akkaunt faol ekan |
| Xato hisobotlari (faqat rozilik bilan): xato turi, tozalangan qisqa xabar, psevdonim — akkauntga bog'lanmaydi | Xatolarni tuzatish | [yurist: masalan 1 yil] |
| Foydalanish statistikasi (faqat rozilik bilan): hodisa nomi (birinchi ishga tushirish, o'rnatish tugadi, savol berildi, javob bahosi 👍/👎, Yordam ochildi, javob turi — tasdiqlangan bazadan, buxgalter tasdiqlagan yoki avtomatik), birinchi savolgacha o'tgan daqiqa, dastur versiyasi, psevdonim — akkauntga bog'lanmaydi, matnlar yo'q | Dastur qulayligini o'lchash va yaxshilash | [yurist: masalan 1 yil] |
| Tasdiqlangan javob haqida anonim signal: faqat javobning yozuv raqami va sabab ("qonun o'zgardi" — dastur o'zi aniqlaydi; "xato bor" — siz bosganingizda). Akkaunt, IP, savol va javob matni yuborilmaydi va saqlanmaydi | Mutaxassislar eskirgan yoki xato javobni tez qayta ko'rib chiqishi | [yurist: masalan 1 yil] |
Serverga yuborilmaydigan narsalar:
- savol matnlari va mavzulari;
- yuklangan fayllar;
- texnik jurnaldagi savol matnlari (yuborishdan oldin olib tashlanadi);
- karta raqami. To'lov Payme sahifasida bo'ladi, karta ma'lumotlari bizga kelmaydi.
Server joylashuvi: O'zbekiston Respublikasi hududida [hosting nomi], O'RQ-547 talabiga muvofiq.
4. Ixtiyoriy bulut rejimi: faqat sizning roziligingiz bilan
Dastur standart holatda to'liq lokal ishlaydi. Tashqi AI xizmatiga (Anthropic Claude, OpenAI GPT yoki Google Gemini) faqat quyidagi shartlarning hammasi bajarilganda murojaat qilinadi:
- Siz Sozlamalarda provayderni tanlab, o'zingizning API kalitingizni kiritgansiz. Biz kalit bermaymiz va ko'rmaymiz.
- Lokal model sizning qonun savolingizga ishonchli javob topa olmadi.
- Dastur sizga aynan yuboriladigan matnni ko'rsatdi va siz "Yuborish" tugmasini bosdingiz. Rozilik har bir savol uchun alohida so'raladi.
Yuborishdan oldin yashiriladigan ma'lumotlar (anonimlashtirish standartda yoqilgan):
- shaxs ismlari va firma nomlari;
- STIR va JShShIR;
- telefon va email;
- bank hisob va karta raqamlari.
Yashirilmaydigan ma'lumot: summalar. Ular qonundagi chegaralar bilan solishtirish uchun kerak, masalan "1 mlrd so'mdan oshsa" kabi qoidalarda. Summa o'zi shaxsni aniqlamaydi.
Hech qachon yuborilmaydigan ma'lumotlar:
- fayllaringiz;
- hisob-kitob savollari (ular faqat lokal hisoblanadi);
- suhbat tarixi;
- firma profili.
Tashqi model bergan javob "☁️ Tashqi model javobi · provayder" belgisi bilan ko'rsatiladi va keshga yozilmaydi. Yuborilgan matnga tanlagan provayderingizning shartlari va maxfiylik siyosati amal qiladi. Biz bu so'rovlarni ko'rmaymiz, chunki ular to'g'ridan-to'g'ri sizning kompyuteringizdan provayderga ketadi.
5. Uchinchi tomonlar
| Kim | Nima oladi | Nima uchun |
|---|---|---|
| Kirish tasdig'i (OAuth) | Akkauntga kirish | |
| Payme [Inspired LLC] | Buyurtma ID va summa | To'lov qabul qilish |
| Telegram | Faqat ichki ogohlantirishlar, shaxsiy ma'lumotsiz ("yangi kritik murojaat #123") | Yordam xizmatining tezligi |
| Tashqi AI provayderi | 4-bo'limdagi tartibda, faqat sizning roziligingiz bilan | Javob sifati |
| Google Firebase Analytics — faqat roziligingiz bilan (birinchi ishga tushishda so'raladi, Sozlamalarda o'chiriladi) | Hodisa nomi (masalan "savol berildi"), soha, tarif, dastur versiyasi, til, tasodifiy psevdonim. Savol va javob matnlari, hujjatlar, ismlar, summalar yuborilmaydi | Dasturni yaxshilash |
| O'z serverimiz — xato hisobotlari va foydalanish statistikasi, faqat roziligingiz bilan | Xato turi, tozalangan qisqa xabar (ism, STIR, sonlar yashiriladi), dastur fayli va qator raqami; foydalanish hodisalari nomi, birinchi savolgacha daqiqa, versiya; psevdonim | Xatolarni tuzatish, qulaylikni o'lchash |
Biz ma'lumotlaringizni sotmaymiz va reklama uchun bermaymiz.
6. Sizning huquqlaringiz
- serverdagi ma'lumotlaringiz nusxasini so'rash;
- noto'g'ri ma'lumotni tuzattirish;
- akkauntni o'chirtirish (to'lov hujjatlari qonunda belgilangan muddat saqlanadi);
- bulut rejimiga rozilikni istalgan vaqt bekor qilish: Sozlamalar → Provayder → "Lokal".
Murojaat uchun dasturdagi "Yordam" tugmasi yoki [email].
7. Xavfsizlik
- Server bilan aloqa shifrlangan (HTTPS).
- Litsenziya raqamli imzo bilan himoyalangan.
- Xodimlar panelga ikki bosqichli tasdiqlash bilan kiradi va har bir amali jurnalga yoziladi.
- Xodimlar mijoz savollarini ko'ra olmaydi, chunki bu savollar serverda yo'q.
8. O'zgarishlar
Siyosat o'zgarsa, dasturda yangi versiya ko'rsatiladi va qayta rozilik so'raladi. Joriy versiya: [1.0], kuchga kirgan sana: […].