Yordam
Yordam va ko'p beriladigan savollar
Javob topmadingizmi? Dasturdagi «Yordam» tugmasi orqali murojaat yuboring.
Umumiy
Muovin nima qiladi?
Soliq, buxgalteriya va kadrlar savollariga o'zbek tilida javob beradi va qaysi qonun moddasiga tayanganini ko'rsatadi. Hisob-kitob qiladi (QQS, amortizatsiya, ish haqi solig'i), provodka va hisobvaraqni topadi, Excel va PDF fayllarni tahlil qiladi.
Javoblar qanchalik aniq?
Har soha oldindan ko'rilmagan, muhrlangan savollar to'plamida o'lchanadi. Oxirgi o'lchovda: soliq — javob berilgan 20 savoldan 18 tasi to'g'ri (90%); buxgalteriya — javob berilgan 20 savoldan 18 tasi to'g'ri (90%); kadrlar — javob berilgan 19 savoldan 13 tasi to'g'ri (68%). Ishonchli javob topilmasa, dastur taxmin qilmaydi — «Aniq javob bera olmayman» deydi va tegishli moddalarni ko'rsatadi. Muhim qarorlarda mutaxassis bilan maslahatlashing.
Buxgalter yoki yurist o'rnini bosadimi?
Yo'q. Dastur javobni topishni va tekshirishni tezlashtiradi, lekin javobgarlikni o'z zimmasiga olmaydi. Murakkab va katta summali masalalarda mutaxassis bilan maslahatlashing.
Qaysi tillarda ishlaydi?
O'zbek tilida (lotin va kirill yozuvida) va rus tilida. Savolni qaysi tilda yozsangiz, javob shu tilda keladi.
«Beta» belgisi nimani bildiradi?
Soha muhrlangan imtihonda hali 85% aniqlik mezonidan o'tmagan. U ishlaydi, lekin javoblarni ayniqsa diqqat bilan tekshiring. Mezondan o'tgach belgi o'z-o'zidan olib tashlanadi.
«Mutaxassislar tasdiqlagan» belgisi nima?
Ko'p so'raladigan savollarga soha mutaxassislari javob yozadi, uni ikkinchi mutaxassis tekshiradi. Bunday javob dasturga imzolangan yangilanish bilan keladi va yashil belgi bilan ko'rsatiladi. Dastur avval shu bazaga qaraydi.
O'rnatish
Qaysi kompyuterlarda ishlaydi?
Mac, Apple Silicon protsessor (M1 va yangilari), kamida 16 GB operativ xotira, 30 GB bo'sh joy, macOS 13 yoki yangisi. Intel protsessorli Mac va Windows hozircha qo'llab-quvvatlanmaydi — Windows versiyasi tayyorlanmoqda.
Internet kerakmi?
O'rnatishda va kirishda kerak. Keyin savol-javob va hisob-kitob internetsiz ishlaydi; litsenziya internetsiz 7 kungacha amal qiladi, so'ng bir marta ulanish kerak.
Nechta kompyuterda ishlatsa bo'ladi?
Bitta akkauntga 2 ta kompyuter. Kompyuterni almashtirsangiz, eskisini Sozlamalar → Hisob bo'limidan uzasiz.
macOS dasturni ochishga ruxsat bermayapti
«Ilovalar» papkasida dastur ustida o'ng tugma → «Ochish» → yana «Ochish». Bu faqat birinchi marta so'raladi. Batafsil: «Rahmat» sahifasidagi yo'riqnoma.
Yangilanishlar qanday keladi?
Qonunlar va tasdiqlangan baza o'zi yangilanadi. Dastur yangilanishini «Komponentlar» oynasida bir tugma bilan o'rnatasiz. Har bir yangilanish raqamli imzo bilan tekshiriladi — soxta faylni dastur qabul qilmaydi.
Xavfsizlik va maxfiylik
Ma'lumotlarim qayerda saqlanadi?
Savollaringiz, suhbatlar va fayllaringiz faqat kompyuteringizda. Serverga faqat akkaunt (Google email), litsenziya holati, to'lovlar va siz o'zingiz yuborgan murojaatlar boradi.
Bulut modeli (Claude, GPT, Gemini) qachon ishlatiladi?
Faqat siz sozlasangiz va har safar ruxsat bersangiz: lokal model murakkab savolga ishonchli javob topmasa, dastur yuborishni taklif qiladi. Ism, STIR va telefon yashiriladi, yuboriladigan matn oldindan ko'rsatiladi, sizning kalitingiz ishlatiladi.
Statistika yig'iladimi?
Faqat roziligingiz bilan va faqat anonim hodisalar (masalan, «savol berildi», javob turi). Savol va javob matnlari, hujjatlar, summalar hech qachon yuborilmaydi. Roziligingizni Sozlamalarda istalgan vaqtda qaytarib olasiz.
To'lov
Sinov qanday ishlaydi?
Google bilan kirgach 14 kun to'liq imkoniyat bilan bepul ishlaysiz. Karta so'ralmaydi, sinov o'z-o'zidan pulli obunaga o'tmaydi.
Qanday to'layman?
Dasturdagi «Litsenziya» oynasidan Payme orqali (Uzcard, Humo). Elektron chek avtomatik beriladi. Korxonalar uchun hisob-faktura bilan to'lash mumkin.
Pulni qaytarib olsa bo'ladimi?
Ha, «Pulni qaytarish» sahifasidagi tartibda: so'rov dasturdagi «Yordam» → «Murojaat» orqali yuboriladi.
Obuna tugasa nima bo'ladi?
Suhbatlar va fayllaringiz kompyuterda qoladi va o'qiladi. Yangi savol berish va yangilanishlar to'lovdan keyin davom etadi.